Home / Lajme / Kriza e koronavirusit – Më shumë se dy persona në studio, AMA paralajmëron TCH dhe Klan

Kriza e koronavirusit – Më shumë se dy persona në studio, AMA paralajmëron TCH dhe Klan

Autoriteti i Mediave Audiovizive ka njoftuar sot se do të nisë procedimin administrativ ndaj drejtuesve të dy emisioneve të njohura, “Open” dhe “Klanifornia” për prezencën e më shumë se dy personave në studio, në shkelje të rregullave të vendosura nga Qeveria për frenimin e epidemisë.

Autoriteti i Mediave me anë të një njoftimi lëshuar sot, i ka njoftuar dy mediat në fjalë dhe emisionet respektive, se i kanë shpëtuar gjobës nga autoriteti shëndetësor dhe se duhet t’i jenë AMA-s falënderuese që ka ndërhyrë për t’i shpëtuar.
Në njoftimin e AMA thuhet:
“Nga evidentimi i rasteve më të fundit në programet “Open” në televizionin Top Channel dhe “Klanifornia” në televizionin Klan, për prezencë të më shumë se dy personave në studio, AMA falenderon për mirëkuptimin autoritetin shëndetësor për mosaplikimin këtë herë të gjobave të parashikuara për këto shkelje të Aktit-Normativ në kushtet e pandemisë.

AMA i ka kërkuar autoritetit shëndetësor të marrë në konsideratë gjendjen e vështirë financiare dhe e ka siguruar atë se do të përcjellë tek të gjithë operatorët audiovizivë shqetësimin e krijuar nga dy rastet e lartpërmendura, duke vlerësuar lart punën e kontributin e tyre publik në përballimin me sukses të situatës së pandemisë, por edhe kërkuar prej tyre respektimin rigoroz të udhëzimeve përkatëse.

Nga monitorimet e realizuara për përmbajtjet e transmetuara është vërejtur se nga televizionet po zbatohen masat e parashikuara për mbrojtjen e stafit që punon në mjediset brenda dhe jashtë redaksive, por ky proces duhet të vijojë me rigorozitet dhe përgjegjësi maksimale deri në përfundim të procesit dhe rikthimin në normalitet.

Sikundër dhe në njoftimet e mëhershme që AMA ka drejtuar, subjektet audio dhe audiovizive duhet të respektojnë vendimet dhe udhëzimet e bëra publike nga Ministria e Shëndetësisë, në kuadër të vendosjes së gjendjes së fatkeqësisë natyrore në Shqipëri.

Duke e konsideruar parësore mbrojtjen e shëndetit të stafit të angazhuar dhe bashkëpunëtorëve, për të mënjanuar efektet e padëshiruara nga raste të përhapjes së infeksionit të shkaktuar nga COVID-19 AMA tërheq vëmendjen se për rastet e konstatuara do të nisin procedimet administrative.”

Similar Posts

%d bloggers like this:
Close Bitnami banner
Bitnami