Daut Haradinaj thirrje Kurtit dhe Veselit: Bashkohuni me ne sepse është një moment historik

Shefi i Grupit Parlamentar të AAK-së, Daut Haradinaj, i ka bërë thirrje publike liderit të VV-së, Albin Kurti dhe atij të PDK-së, Kadri Veseli që t’i bashkohen tavolinës së negociatave me Serbinë.

Ai ka thënë se kurdo që shqiptarët janë bashkuar, kanë dalë rezultate të mira për Kosovën.

“Edhe VV edhe PDK, është koha me qenë në tavolinën e dialogut. Të jemi të gjithë fitues, ta kemi një marrëveshje të mirë. Thirrja ime publike për z. Kurti edhe për z. Veseli është që t’i bashkohen dialogut dhe ta bëjmë bashkë momentin historik”.

Duke e kritikuar dialogun e deritanishëm në Bruksel, Haradinaj ka thënë se dialogu me Serbinë me SHBA-në si ndërmjetësuese kryesore, është drejt përmbylljes.

“Kosova ka dialoguar të paktën 10 vjet dhe marrëveshjet në të shumtën e rasteve nuk kanë prodhuar rezultate të mira. Sidomos jo me Mogherinin, e cila ka folë edhe për ndarjen e Kosovës. Ka dy vjet e gjysmë që me Serbinë nuk kemi pasë asnjë marrëveshje. Unë mendoj që ky dialog është drejt përmbylljes”.

Haradinaj ka thënë se nuk mund të bisedohet përfaqësuesit të Lartë për Kosovën nga BE, Miroslav Lajçak, më shumë se me kryediplomatin amerikan për Kosovën, Richard Grenell, njofton Klani.

“Në qoftë se dikush i beson më shumë Lajçakut sesa kryediplomatit amerikan, është gabim. Kurti nuk u gjet mirë në raport me taksën dhe e pati një bllokadë me aleatët tanë. Por, ne duhet t’i japim mbështetje delegacionit tonë shtetëror. Secili delegacion shtetëror do t’i japë llogari Kuvendit. Do të vijë këtu të raportojë”.

%d bloggers like this: