Cakaj akuzon Vetëvendosjen se ka pasur agjendë për thellim të pengesave Kosovë – Shqipëri

Ministri i Jashtëm në detyrë i Shqipërisë, Gent Cakaj, duke folur për akuzat që i janë bërë për angazhim në ndarje të Kosovës, ka thënë se në Kosovë ka mbidozë të konspiracionit.

“Republika e Shqipërisë nuk është pjesë e grupit negociator të Kosovës dhe nuk mund të bëjë marrëveshje as të përcaktojë territore, nuk jemi në pozicion për ratifikim të marrëveshjes. Si po i preka hartat Shqipëria në emër të emër të Kosovës për ata që përçajnë kombin duke u thirrur në bashkim kombëtar”, tha Cakaj, në Rubikon të Klan Kosovës.

Cakaj ka aluduar në Lëvizjen Vetëvendosje sa ka pasë agjendë për thellim të hendekut në mes të Kosovës dhe Shqipërisë.

“Kryeministri Rama e tha në konferencë për shtyp thënien e Fishtës se ‘shqiptarët janë siç i do hasmi’. Në vend që të ketë bashkërendim në mes të Kosovës dhe Shqipërisë ka pasë agjendë për të thelluar hendekun. Dikush e ka bërë në emër të patriotizmit. Kush e ka bërë dihet, është e qartë cilat janë adresat dhe kush flet me kësi gjuhe dhe kush parti në Kosovë dhe disa të kolegë të tyre në Shqipëri janë makineri e propagandës e shpifjes dhe dezinformimit”, tha Cakaj.

“Është e turpshme që një grup i njerëzve të pafytyrë dhe gënjeshtar… Jam i vetmi që kam thyer kodet diplomatike dhe kam nxjerr listat e takimit ku kam qenë. Se ku kam lobuar nuk kanë qenë në gjendje të argumentojnë asnjë pandehmë. Është e drejtë e tyre të spekulojnë. Sa i përket VV-së, sepse VV është e interesuar për çështjet e brendshme në Shqipëri”.

“Dua të sqaroj se nuk kam fol asnjëherë për bashkim kombëtar, nuk kam pasë fjalë të mëdha. Kam folur për bashkëpunim brendakombëtar dhe kam dhënë shembullin e duhur se si intesifikohet agjenda rajonale e Shqipërisë”, tha ai.

Close Bitnami banner
Bitnami